MASHINDANO YA RIADHA YATIMUA VUMBI LEO SHIMISEMITA TANGA

Imewekwa tarehe: August 21st, 2025

Watumishi wa Serikali wanaoiwakilisha halmashauri ya wilaya ya Nkasi Mkoani  Tanga 2025, leo wameshiriki mashindano ya riadha ya mita 100(SHIMISEMITA) ambapo washiriki wawili kwa wanaume wameibuka washindi wa pili ambao ni Mgeta Turo  na Selemani Kapinga huku mshindi kwa wanawake nafasi ya tatu akiibuka Leticia Mwanamwene.

 Mashindano hayo yanafanyika leo Agosti 21, 2025 katika viwanja vya  Tanga school   ikiwa ni moja ya michuano inayoshindaniwa katika michezo mbalimbali Mkoani humo.

Afisa utamaduni, sanaa na michezo bw. Lusekelo Swedy amesema  kuwa  amefurahishwa na kiwango cha wawakilishi wa wilaya hiyo na kuwahamasisha watumishi wengine kushiriki michezo mbalimbali ili kuiwakilisha vyema halmashauri, hata hivyo ameshukuru uongozi wa halmashauri kwa kuwawezesha kushiriki  michuano hiyo.  

Ikumbukwe mashindano hayo yalianza Agosti 15, 2025 na kikomo itakuwa Agosti 29, 2025, halmashauri 140 zinashiriki mashindano hayo lengo likiwa ni kuwaleta pamoja watumishi nchini nakukuza ushirikiano.