Serikali wilayani Nkasi mkoani Rukwa imeteketeza TANI mbili ya samaki wakavu waliobainika kuhifadhiwa kwa kutumia sumu

Imewekwa tarehe: July 19th, 2019

Serikali wilayani Nkasi mkoani Rukwa imeteketeza TANI mbili ya samaki

wakavu waliobainika kuhifadhiwa kwa kutumia sumu kinyume na  sheria ya

Mamlaka ya chakula na dawa TFDA  Na,30(1)a,b,c ya mwaka 2003.

Kwa mujibu wa taarifa iliyotolewa na mkurugenzi mtendaji wa

halmashauri ya wilaya Nkasi Missana Kwangula ni kuwa walipata taarifa

kutoka kwa raia wema juu ya kufanyika kwa vitendo hivyo haramu vya

mfanyabiashara Dernest Batupu wa kijiji cha Kalungu kata ya mkinga

kuwahifadhi samaki wake kwa kutumia sumu ili samaki hao wasiweze kuoza

na kuwa dawa hiyo ni hatari sana kwa afya ya watumiaji wa samaki hao

Amedai kuwa baada ya kukamatwa mtuhumiwa huyo alihojiwa na kukubali

kuwa anatumia sumu katika kuwahifadhi samaki wake ili wasiweze

kuharibika kwa maana anawapeleka mbali kibiashara nchini Burundi.

Kwangula amefafanua kuwa baada ya hapo na kufuatia uchunguzi wa

kitaalamu chini ya TFDA kufanyika na kubaini kuwapo kwa sumu katika

samaki hao walichukua hatua ya kumtoza faini ya shilingi milioni moja

kwa mujibu wa sheria chini ya TFDA na mhusika kuridhia samaki hao

kuteketezwa kitu ambacho kimefanyika leo

Mganga mkuu wa wilaya Hashimu Mvogogo amesema kuwa samaki

wanaohifadhiwa kwa kutumia sumu wana hatari kubwa ya kiafya kwa

watumiaji wa samaki hao na kuwa msako mkali utaendelea ili kuweza

kuwabaini wale wote wanaofanya vitendo hivyo